Friday, January 30, 2009
Gihingusgan ni Mandangan Darimbang, Director sa Land Transportation Franchising, Regulatory Board (LTFRB) sa Northern Mindanao nga supak siya pag-ayo nga subling buhion ang P10 dugang plitehan sa taxi.
Sa pakighinabi kaniya sa Brigada News si Darimbang mipasabot nga bisan pa og i-agi kini sa konsultasyon sa mga operator ug driver sa rehiyon dili matud pa kini makatarunganon nga lakang.
“Bakit mo bubuhayin yung 10 pesos na add on sa taxi matagal na yun inalis at walang ensaktong basehan,” siya mikanayon.
Matud sa opisyal wala siyay igong rason nga nakit-an sa gilaraw karon sa sa Philippine National Taxi Operators Association (PNTOA) labot sa posibleng pagbalik sa P10 add-on fare sa taxi, kini nunot usab sa gibutyag sa pipila ka dagkong kompanya sa lana nga magpadayon matud pa ang pagsaka sa presyo sa produktong petrolyo sa kalibutanhong merkado.
Gipasabot hinuon sa opisyal nga ang katawhan ang maglisod kung subling ibalik ang add-on fare nga 10 pesos gumikan barato matud pa kaayo ang presyo sa gasolina.
Kaniadto iyang nadomduman nga samtang 35 pesos palang ang litro sa gasolina giwagtang na ang add-on sa taxi, hayan dili matud pa kini makatarunganon kung ibalik kini sanglit naa sa labing-ubos nga 30 ang litro sa gasolina.
Hinuon gi-angkon sa opisyal nga duna siya namatikdan nga hinay-hinay nga pagsaka sa presyo sa lana apan dili matud pa kini maka-apekto og daku ngadto sa mga drayber.
“In fact there is no reason at all,” gidugtong pa sa nasampit nga opisyal.
Una niini gipamahayag sa PNTOA nga ilang makonsidera ang pagbalik sa P10 add on rate sa plitehan sa taxi dungan sa pagsaka sa presyo sa autoLPG.
Sigun pa ni Atty. Bong Suntay, abugado sa nasampit nga grupo, gisugyot nila nga sa petsa 18 sa Pebrero ibalik ang add-on fare.
Gipasabot sa opisyal nga mi-abay lamang usab sila sa gibutyag sa pipila ka mga dagkong kompanya sa lana nga posibleng sunod buwan mosaka ang presyo sa gasolina.
Sa pakighinabi kaniya sa Brigada News si Darimbang mipasabot nga bisan pa og i-agi kini sa konsultasyon sa mga operator ug driver sa rehiyon dili matud pa kini makatarunganon nga lakang.
“Bakit mo bubuhayin yung 10 pesos na add on sa taxi matagal na yun inalis at walang ensaktong basehan,” siya mikanayon.
Matud sa opisyal wala siyay igong rason nga nakit-an sa gilaraw karon sa sa Philippine National Taxi Operators Association (PNTOA) labot sa posibleng pagbalik sa P10 add-on fare sa taxi, kini nunot usab sa gibutyag sa pipila ka dagkong kompanya sa lana nga magpadayon matud pa ang pagsaka sa presyo sa produktong petrolyo sa kalibutanhong merkado.
Gipasabot hinuon sa opisyal nga ang katawhan ang maglisod kung subling ibalik ang add-on fare nga 10 pesos gumikan barato matud pa kaayo ang presyo sa gasolina.
Kaniadto iyang nadomduman nga samtang 35 pesos palang ang litro sa gasolina giwagtang na ang add-on sa taxi, hayan dili matud pa kini makatarunganon kung ibalik kini sanglit naa sa labing-ubos nga 30 ang litro sa gasolina.
Hinuon gi-angkon sa opisyal nga duna siya namatikdan nga hinay-hinay nga pagsaka sa presyo sa lana apan dili matud pa kini maka-apekto og daku ngadto sa mga drayber.
“In fact there is no reason at all,” gidugtong pa sa nasampit nga opisyal.
Una niini gipamahayag sa PNTOA nga ilang makonsidera ang pagbalik sa P10 add on rate sa plitehan sa taxi dungan sa pagsaka sa presyo sa autoLPG.
Sigun pa ni Atty. Bong Suntay, abugado sa nasampit nga grupo, gisugyot nila nga sa petsa 18 sa Pebrero ibalik ang add-on fare.
Gipasabot sa opisyal nga mi-abay lamang usab sila sa gibutyag sa pipila ka mga dagkong kompanya sa lana nga posibleng sunod buwan mosaka ang presyo sa gasolina.
