(Sa nagsingabot nga Valentines day)

Natunga ang reaksyon sa katawhan labot sa sugyot ordinansa sa mga magbabalaod didto sa kaulohan nga idili ang short-time rates sulod sa mga motel atol sa nagsingabot nga kasaulogan sa adlaw sa mga kasing-kasing kon Valentines Day.

Nunot niini mayorya sa mga kalalakin-an nga gipangayoan og reaksyon sa Brigada News dinhi sa dakbayan sa Cagayan de Oro ang nagbutyag nga buot niining ipadangat ngadto sa korte kung mahimo himuong ligal ang short time.

Usa si alyas Diego, 25, ulitawo sa Barangay Bulua ning siyudad mikanayon nga dili tanan nga misulod sa motel ang dunay ipahigayong pakighilawas, sanglit iyang gipasabot nga mahimo gihapong mokuha og short time rates ang duha ka paresan kung alanganin na sila sa oras.

Una niini gideklara sa Korte Suprema nga supak sa batakang balaod ang pagpaggawas og nasampit nga ordinansa sa kaulohan.

Sa desisyon sa SC en banc nga gisuwat ni Associate Justice Dante Tinga, giingon sa korte nga ang maong ordinansa sama sa gihapon nga gidili pag-operate ang nasampit nga mga motels, hayan ila kining gisupak.

Sa laktod buot matud pa sa korte nga himuong ligal ang short time rates sa mga motels, pension house, hotels ug uban pa alayon sa nagsingabot nga valentines day.