Nag-antus sa mubo

Nag-antus kaba sa ka mubo nga imong partner? Ning higayona, ato kining tukion nganong nagi-antus man ning usa ka tawo nga gisaysay pinaagi sa istorya ni Jojo Acuin sa iyang sa iyang Crime and Mystery.

Kini may kalabotan usab sa nagkaduol nga selebrasyon sa adlaw sa mga kasing-kasing. Pulos love lugar napud atong istoryahon.

Kanatong mga pinoy gikonsiderang balaan ang pagpakasal sa usa ka binuhat, sanglit ubay-ubay sa mga proseso ang maagian ayha ihiusa sa simbahan ang magtrato.

Tinuod gyud kana, apan una pa, pasalamatan usab nato ang katawhan sa dakbayan sa Iligan, Butuan, Cagayan de Oro ug kasikbit nga mga lungsod sa lalawigan sa Misamis Oriental sa padayong pagsuporta sa lindog nga Lugar! sa inyong higala sa Brigada News Philippines.

Sa istorya ni Jojo, duna matud pay usa ka unano nga gihinganlang Guiller, hingkod ang edad nga taga dakbayan sa Davao.

Gisaysay niini ang panghitabo nga gibalewala lamang siya sa iyang asawa tungod lagi sa kamubo niya ug halos dili pa niya kini madawat.

Ang istorya nanukad dihang ulitawo pa si Guiller. Gugmaan matud pa siya kaayo sa usa ka maanyag nga binuhat sa ilang dapit kinsa giilang usa ka Alma.

Sa pangidaron nga 41-anyos, ulitawo pa si Guiller. Halos gani dili kini motingog sa mga babaye nga iyang magustuhan.

Dunay higayon, nagtagay ang barkada kauban si Guiller. Tungod hilabihan kangit-ngit ang nasampit nga dapit, wala nakamatikod ang babaye nga gi-atngan siya sa grupo ni Guiller.

Niadtong higayona, nakahimo paglugos si Guiller ngadto sa babaye. Napusgay gyud ni Guiller ang pagkabirhen sa nasampit nga dalaga.

Human niini, ang pamilya sa babaye pursigidong mopasaka og kasong lugos batok kang Guiller.

Milungtad usab ubay-ubay nga mga pagdungog sa hukmanan ang ilang nasinati.

Dunay mga pagdungog sa korte nga wala misipot ang nasampit nga babaye, rason nga nahuna-hunaan sa pamilya niini nga ipakasal nalang kang Guiller

Sa daling panahon, natigayon gyud ang kasal. Nag-uban sa usa ka balay isip magtiayon si Guiller ug Alma sulod sa dugay nang panahon hangtod nibunga ug duha ka mga anak ang ilang paghigugmaay.

Apan ang suliran nagsugod dihang nawad-an na og gana ang misis ni Guiller. Si Guiller duna lamang gitas-on nga 3 pulgadas.

Nahuna-hunaan ni Guiller nga wala gihapon gugma ang iyang misis ngadto kaniya tungod gisugot lamang siya niini sa pinugos nga paagi.

May higayon nga bisan may balatian si Guiller suguon pa gyud kini ni Alma. Singka-singkahan nga daw iyang ulipon.

Gibaliwala gihapon kini ni Guiller. Hangtod usa ka adlaw, dihang nihatod kini sa mga bata sa tunghaan iyang nakita sa akto nga dunay ka-istorya ang iyang misis.

Usa ka aktor, moreno, gibana-banang 5’6 ang gitas-on. Didto nagduda na si Guiller. Apan iya gihapon kining gibaliwala.

Ilado sa adunahan nga pamilya ang nasampit nga babaye. Hayan, nagtuo si Guiller nga gipangwartahan lamang kini sa lalaki.

Wala niadtong higayon si Guiller dihang gibisita sa lalaki ang iyang misis. Nakugang na lamang si Guiller nga sa dihang iyang paghidangat sa ilang balay tua ang aktor.

Gidabo-dabohan matud pa niini og kasaba ang iyang misis tungod wala siya hatagi og kwarta.

Tuod man, naglalis si Alma ug ang nasampit nga lalaki. Nikuha og kutsilyo ang lalaki ug lubaon unta si Alma dihang napugngan ni Guiller.

Si Guiller na karon ang gikalaban sa lalaki hangtod nalubaan si Guiller tungod kay unano man.

Dead on Arrival sa ospital si Guiller, samtang walay puas ang paghilak ni Alma samtang iyang gikugos ang iyang napatayng bana.

Karong Pebrero 14, adlaw sa mga kasing-kasing, hinaut magmalipayon ang matag-usa. Ang nahitabo kang Guiller unta dili na mahitabo sa atong pagpamuyo.

Mga komento ipadangat sa 0929-8140-764 email tawengd@yahoo.com kung duna moy kasinatian sa gugma nga dili malimtan mahimo ipadangat ang mapilian nga lindog i-mantala atol sa Valentines Day.

Drug test sa estudyante dapat libre

Human gimando sa presidente nga ipa-ilawom tanan sa Random Drug Testing ang mga tinungha sa sekondarya, mi-alma gilayon ang pipila ka mga ginikanan, sa rason nga tingali another round sa pangwarta na sab sa mga kadagkuan sa Department of Educatio (DepEd).

Diha-diha dayon nadawat ni Education Secretary Jesli Lapus ang maong direktiba gikan sa malakanyang nga nagmando sa mandatory drug testing sa mga tinungha sa tanang tunghaan sa nasud human mi kontrobersyal ang isyu sa ‘Alabang boys.’

Unsa pud kaha ang kalambigitan sa ‘Alabang Boys’ ning random drug testing karon sa DepEd nga gidudahang pagpangwarta lamang.

Hapit na ra ba ang eleksyon sa 2010, kinsa pud lugar ang modagan isip presidente? Well, atong pa-abuton.

Anyway, on the issue of proportion sa ta. Bag-uhay lamang ang Brigada News nakighinabi kang Cagayan de Oro City Schools Division Superintendent Dr. Myrna Motoomull.

Siya miingon, sa pagkakaron ila pang gipa-abot ang konkretong kamandoan gikan sa ilang labaw sa DepEd.

Lugar og ila nang madawat ang maong direktiba, gibutyag sa opisyal nga dili nila kini yanong ipatuman lamang.

“Ato sang sutaon kung unsa ang unod sa maong kamandoan. Dili sa ko mo-conclude,” siya miingon sa pangutana kung uyon ba kini sa maong kamandoan.

Gipasabot pa hinuon sa opisyal nga usa sa iyang sutaon pag-ayo ang epekto niini sa bulsa sa mga ginikanan.

Lugar og dunay bayrunon ang mga ginikanan sa pagpa-ilawom og drug testing sa ilang mga anak, supak matud pa kini si Motoomull.

“Dili na maayo na kung moggasto pa ang atong mga ginikanan, luoy pud intawon,” gidugang pa niya.

Nalakip sa gipa-abot nga direktiba sa DepEd gikan sa Central Office ang mga giya ug balaudnon labot sa implementasyon niini.
Sa laktod nga pagkasulti, pabor si Motoomull nga ipatuman ang maong kamandoan nga wala na nagkinahanglan pa og salapi gikan sa bulsa sa ordinaryong lungsoranon.

Daku matud pa kining tabang isip preventive measure batok sa gidiling drogas.

Sanglit bag-uhay lamang, usa ka report sa telebisyon ang mikanayon nga usa ang mga tinungha sa rehiyon 10 ang numero unong tigpayuhot og gidiling drogas.

Di lamang dugay, pagpamatuod sab niini ang pagpangibot sa mga otoridad og marijuana sa usa ka plantasyon sa Barangay Tignapoloan, Cagayan de Oro.

Ning dakbayan, buot sa opisyal nga ipa-ilawom ang mga tinungha sa drug testing sa nagkalain-laing tunghaan, kini aron mahinloan ang imahe sa siyudad, diin sakop sa rehiyon 10.

Sayong ipatuman ang naasoyng kamandoan, sukwahi sa una nang gikanayon na sulod sa unang semana sa bulan sa Marso.

Karon, kung paghidangat sa direktiba gikan sa DepEd central office nga walay bayad ang naasoyng lakang, wala koy laing masulti kundi ang pulong nga ‘hinaut pa.’

Kay sagad baya sa mga tunghaan, subay usab sa akong kasayoran daw nagpabungol-bungol sa ilang labaw.

Giingon nga walay bayad, apan pag-abot sa pinirmahay na og clearance sa 4th grading didito manggawas ang ubay-ubay nga mga balayrunon.

Sa akong obserbasyon, lugar mo-ingon unya ang DepEd nga walay bayad ang drug testing, apan duna lang gamay. Gamay nga bayad sa kemikal nga ihalo sa ihi aron masayran kung positibo o negatibo ang usa ka tinungha.

Atong huna-hunaon pag-ayo pila ang ihap karon sa mga tinungha sa tibuok nasud.

Bisan tag-piso lang ang bayad, apan kung imong suma-sumahon mo-abot usab kini og binilyon.

Kini mga panglantaw lamang, apan, kung imong sutaon pag-ayo mahimo kining usa ka sekreto nga paagi sa pagpangawkaw sa gobyerno.

Bisan gani ang usa ka daku nga opisyal sa DepEd ning siyudad wala masayod kung duna ba o walay bayad ang maong lakang, samot na lugar kining ordinaryong katawhan.

Mas maayo tingali unahon ipa-ilawom sa drug testing ang mga opisyal sa gobyerno. Una sa line-up ang first family, dayon ang mga batos niini.

Mosunod usab kining mga polis, lakip na ang miyembro sa Philippine Drug Enforcement Agency (PDEA).

Kamo? Uyon ba mo sa drug testing sa mga tinungha, ipadangat sa 0929-8140-764 or email tawengd@yahoo.com.

Nazareno gibasol

Nagkadaiyang opinyon, nagkalain-laing panglantaw ang gipaggula karon sa katawhan labot sa paghidangat sa Imahe sa Nazareno gikan sa Quiapo, Manila dinhi sa dakbayan sa Cagayan de Oro niadtong, Enero 6.
Sa mga gihinabi sa Brigada News, pipila ka pamilya kinsa naa sa kasamtangan sa nagkalain-laing evacutation centers mikanayon nga sukad nahidangat ang itum nga Nazareno sa dakbayan nagsugod usab ang maong katalagman.
Nunot sa maong reaksyon, mipasibaw usab og pagsuporta sa maong imahe ang pipila ka katawhan.
Usa si Teresita, 45, sa Barangay Bulua, ang nakahigayon pagsulti nga dili angay ibasol ngadto sa Imahe ang gihimong pagpasagad sa kinaiyahan sa katawhan.
Matud niya, isip deboto sa Nazareno, dili angay hugaw-hugawan ang pagka-maayo niini, sanglit daghan matud pa sa mga siyudad sa rehiyon ang gihapak sa maong katalagman.
Ang paghidangat sumala pa ni Nazareno sa siyudad, simbolo lamang nga angay nang magbag-o ang katawhan.
Apan, hugtanon usab kining gisupak ni Jun Inanyog sa Barangay Igpit, Opol, Misamis Oriental, giilang deboto sa simbahang katoliko.
Matud niya, sulod sa dugay nang panahon nga iyang gibarugan ang iyang relihiyon isip katoliko wala siyay nakitang igong rason nga angay tuohan ang imahe sa Nazareno, sanglit wala matud pa kini niya nakita nga nalatid sa balaang kasulatan.
Kahibaloan, sa miaging semana dihang unang gibaha ang dakbayan, Enero 3, gibutyag ni Cagayan de Oro city councilor Ceasar Ian Acenas, chairman sa committee on environment sa konseho nga kung duna man lugar basulon sa maong kalamidad walay lain kundi ang katawhan mismo.
Gipunting sa opisyal ang padayong land conversion nga gikonsidera niining usa sa hinungda sa pagka-upaw sa kalasangan.
Ang pagkadaut sa kinaiyahan ang maoy usa sa mga nakatampo sa bag-uhay lamang nasinating kalit nga pagbaha sa dakbayan sa Cagayan de Oro, lalawigan sa Misamis Oriental ug kasikbit nga mga siyudad sama sa Iligan.
Isip chairman sa maong komitiba, gihingusgan sa opisyal nga dili niya suportahan ang unsa mang lakang alang sa katuyuan sa land conversion.
Ang land conversion, usa ka lakang sa pagbalhin sa forest land kon mga kakahuyan ngadto sa agricultural land kon kaumahan.
Sa akong tan-aw, kinahanglan dunay mga ‘preventive measures’ nga himuon ang Department of Environment and Natural Resources (DENR), lugar og ilang ipatuman ang unsa mang programa niini.
Si DENR 10 Regional Executive Director Maximo O. Dichoso, sa interbyu sa radyo, mikanayon nga hugtanong gidili sa DENR ang land conversion.
Wala matud pa kini sa balaod sa nasampit nga ahensya, hayan, posibleng dunay natigayong conversion sa yuta.
Sa ingon ani nga punto, atong nasayran nga supak kaayo ang DENR kung hisgotan ang land conversion, hayan, kinsa man ang angay mabasol kung katap sa gihapon kining matang sa trabaho?
Dili na unta angay hulaton pa, nga hasta ang imahe sa Nazareno mabasol na hinuon sa katawhan tungod niining katalagman.
Dili usab nimo mapugngan kining gipasibaw karon nga mulo sa katawhan tungod nag-agad usab sila sa ilang tinuohan.
Kung buot huna-hunaon wala gayu’y si bisan kinsa makapunting sa tinuod nga relihiyon nga makaluwas. Kung nagbinsola man tungod sa maong santos, unsa man ang angay buhaton?
Ang pangutana, asa man diay ang imahe nganong dili man mahimong ibalik sa dapit nga gigikanan? Sa ingon ani nga pangutana, sigurado masuko ang pipila.
Ato lang huna-hunaon nga dunay mga panghitabo sa palibot nga bisan ang siyensya maglisod mopasabot sa katawhan.
Ang akong punto mao kini, nganong dili nato igahin ang atong kalantip sa pangutok kung unsa atong matabang sa sosyodad aron malikayan ang katalagman.
Ang problema mao kini, bisan gani sa simple lang nga paagi sama sa paglabay sa hustong kalabayanan sa basura dili mahimo ni Juan dela Cruz.
Kung mahitabo na gani ang katalagman basulon dayon ang kagamhanan.
Karon kay bag-uhay lamang nahuman ang kapiyestahan ni Nazareno, basulon na usab ang Santos.
Unsa man gyud? Maayo tingali sugdan nalang nato ang kabag-uhan sa atong pamilya.
Karong 2009, kay gihinloan man sa baha ang atong dakbayan, well ipa-anod sab nato ang atong hiwi nga mga binuhatan uban sa baha aron nga ‘We will leave happily ever after.’
Sa inyong mga komento ipadangat sa 0929-8140-764 email sa tawengd@yahoo.com

Stay alive sa tuig sa mga toro

Bag-uhay lamang tulo ka mga kinabuhi ang dyotay makalas gumikan sa pagkaon niini og gi-andam nga cake ug pansit atol sa ilang pagpahigayon og Christmas party.

Ang mga biktima giilang sila si Divina Evangelista, 20; Angelina,16 ug Felipe, 12, kinsa pulos molupyo sa Isla Verde Boulevard, Bacolod City.

Nunot niini ang Department of Health (DOH) rehiyon 11 gilayong mipaggawas sa ilang health advisory ngadto sa publiko sa nasampit nga siyudad aron dili na masubli ang natagamtaman sa tulo ka mga bata.

Dinhi usab sa rehiyon 10, ang Department of Trade and Industry (DTI) dunay pahimangno sa publiko batok paglikay sa pagpalit og mga pagkaon sa nagkadaiyang merkado nga substandard kon expired na usab.

Sa interbyu sa Brigada News kang Ma. Ellesa Pabillore, DTI Provincial Director sa lalawigan sa Misamis Oriental, siya mikanayon nga kung barato ang presyo sa mga pagkaon, angay nang matahap ang katawhan.

Gipunting pa niini ang pagpunsisok sa mamalitay atol sa ulahing adlaw kon rush day.

Busa ang DOH misubli pagpagawas sa ilang health advisory pinaagi sa ilang website.

Kining pahinumdom dili lamang nagpunting alang sa pagkaon, apan kini gilangkoban sa tanang pagabuhaton atol sa pasko ug bag-ong tuig sama sa;

1. Planuhon pag-ayo kauban ang pamilya ang mga pagahimuong aktibidades sa pasko. Pinaagi niini malikayan lugar ang hilabihang stress kon kakapoy kung mosangko sa tensyon ang maong aktibidad.

2. Panalipdan nimo imong kaugalingon ug pamilya batok sa dautang klima. Lugar ug dunay magkasakit sa inyong pamilya, angay dunay naka-andam nga mga tambal batok sa mga sakit sama sa ubo, trangkaso, sip-on ug uban pa. Lugar og dili matabang magpa-konsulta sa labing-duol nga health center.

3. I-andam ang balanseng pagkaon sa Noche Buena ug Media Noche. Ang pagkaon og balanse ang makatampo sa tawo nga magpabiling himsog ang panglawas ug mahilayo sa ubay-ubay nga mga balatian. Make sure that vegetable and fruits are on the table together with your traditional ham and queso de bola.

4. Magbinut-an, mag-relax ug magmahigugmaon. Love lugar, mao nang importante sa tanan. Natawo baya ta because of love. Pagkaon og mga masustansiyang pagkaon matag adlaw dili lamang panahon sa pasko magpalit og mga prutas, kay pangpa-buenas lugar.

5. Inom daghan tubig. Inom gyud og daghang tubig, apan ilimnong makahubog, dyotay ra. Ang tubig universal solvent, makatampo aron maglihok pag-ayo imong mga ka-unoran.

6. Tulog ensakto. At least 8 hours a day ang kinahanglan sa tawo matulog. Lugar og duna kay gika-ibgan, i-abay lang na sa imong damgo aron pulos mo magmalipayon. Dunay ensaktong tulog, may ensaktong panghuna-huna pagmata.

7. Likay sa nagpunsisok nga dapit. Pinaagi sa pagpunsisok, posibleng matakboyan ka og mga bacteria nga maoy hinungdan nga magkasakit ka unya. Ang kahamogaway maoy makatampo aron kanonay ‘patsada’ atong panglawas.

8. Gamit og environment-friendly Christmas decors. Décor nga dili maka-disgrasya. Ayaw pud og hinambog sa hilabihan nimo kamahal nga mga sugang dagitabnon, tingali mobusikad ug makadaut na hinuon. Ang sobra hiposa alang sa 2010.

9. Palit og dulaan nga dili hait ang tumoy. Alang sa mga bata aron dili sila masamaran. Bantayan sab nga dili matulon.

Sa laktod ang usa sa gihatagan pagtagad pag-ayo sa DOH matag tuig ang dili paggamit og pabuto sa pasko. Daghan man lugar mahimo nga mahimong saba ang atong pasko sama sa pagpatik-patik sa lata. Inyong mga kaldero nga guba, hala lampos-lamposa, kay lugar og mag-away mo ni mister sunod tuig wala na siyay magamit. Kinomedya ra

Stay alive and whole for the coming year!

Another round of rollback; Big 3 deadma

Alas dos sa hapon kagahapon, Disyembre 11 mipakunhod na usab og P3 sa presyo sa diesel ang pipila ka independent players, kini gilangkoban sa Seaoil Philippines, Eastern Petroleum ug Flying V.
Nunot niini, nadugangan karon ang kalipay nga gibati sa ordinaryong mga drayber ilabina ang pagpasamada lamang ang ilang gisaligan sa inadlaw-adlaw nga pangabuhi.
Gawas sa P3 nga rollback sa diesel, nipakunhod usab sa piso matag litro sa gaas kon kerosene ang nasampit nga mga kompanya.
Si Glenn Yu, presidente sa Seaoil nagkanayon, rason lamang sa nasampit nga rollback ang padayong pagkunhod sa presyo sa lana sa kalibutanhong merkado.
Samtang si Flying V spokesman Joey Cruz, miingon usab nga P3 ang ilang ikunhod sa presyo sa gasolina samtang P1 usab sa krudo.
Sa ingon ani lugar nga sitwasyon, dili malalis nga maglibog gyud ang publiko nganong ang big three nga gilangkoban sa Pilipinas Shell, Chevron Philippines (kanhing Caltex) ug Petron Corporation wala man misubay sa maong lakang.
Another round na pud ba kaha kini sa pagpangilad ngadto sa publiko?
Sa interbyu sa Brigada News ngadto kang Carli Gun, manager sa usa ka Petron Corporation ning siyudad sa Cagayan de Oro, siya mikompirmar nga wala pa silay nadawat nga mando gikan sa ilang labaw sa nasyunal kung mo-abay ba sila sa bag-uhay nga rollback nga gihimo sa tulo ka independent players.
“As of this day wala pa mi advised gikan sa among labaw nga mopatuman og another rollback sa presyo sa among gasolina o gaas, depende kana sa among sales representative”, siya mikanayon.
Well, sa ingon ani lugar nga puntoha imo nang mamatikdan ang hilabihan kadugay kung mopakunhod na gani og presyo sa ilang mga produkto, apan kung mopa-usbaw na gani kini, paspas pa sa kilat.
Di lamang dugay gituki usab sa hawanan sa konseho ning siyudad sa Cagayan de Oro ang unfair kon dili makatarunganon nga pagpatuman og rollback sa tatlo ka dagkung kompanya sa lana.
Imbes nga singko ang angay untang ipatumang rollback, ila pa lugar gidaginot ang P2.50, diin gikasuko pag-ayo sa pipila ka mga kagawad sa dakbayan.
Subay niini, si Councilor Ramon Tabor, chairman sa committee on laws and rules sa konseho mipanday og ordinansa labot sa paghatag og silot niining tulo ka dagkung kompanya sa lana kung masayrang nangilad sa katawhan gumikan sa dili haom nga implementasyon sa rollback.
Usa sa mga silot nga nakalatid sa maong ordinansa ang pagtangtang sa ilang mga lisensya nga mo-operate sa ilang patigayon dinhi sa syudad.
Dihang gipangutana matud pa ang tulo ka independent players nganong mipatuman sila og laing rollback ning panahona, ang ilang tubag, may mga higayong dali ra usab sila mopakunhod sa ilang presyo gumikan finished product na matud pa ang ilang produkto, itandi sa big three nga kinahanglan pang mo-agi sa refinery.

Pasko'ng Layo sa Hinigugma

15 ka adlaw nalang ayha saulogon sa katawhang Pilipinhon ang mabugnayng adlaw sa kapaskuhan. Apan, dunay pipila nagbutyag nga daw sama sa nalumutang kagahapon ang maong kasaulogan ning tuiga gumikan sa tumang kamingaw, kini subay usab sa bag-uhay nga miggula nga pagsusi sa Social Weather Station (SWS).
Taliwala niini, dili malalis nga ubay-ubay sa gihapon sa pamilyang Pilipinhon nagkanayon nga mas maayong saulogon ang adlaw sa pasko kung puno sa paghigugma sa isig-kaingon.
Love is really special gift for us this Christmas. Yes! husto kana nga panglantaw, apan ang pangutana unsaon man nimo pagsaulog og pasko nga layo ka sa imong hinigugma?
Unsaon man makalingkawas pagsaulog og mabungahong pasko nga halayo ka sa tawo nga imong gihigugma. Layo ka sa imong pamilya, girlpren o boypren.
Ang mga hanas nga tigduki-duki mitigom sa mga lakang unsaon pagsaulog sa pasko nga layo ka sa imong hinigugma ug mao kini ang namantala pinaagi sa ilang website.
Sigun pa sa mga eksperto, mas maayong magsaulog sa pasko bisan pa man og layo ka sa imong hinigugama kung dunay mga mosunod:
Pagsalig matag usa- Kini matud pa ang labing-mahinungdanong paagi nga ang matag magtiayon makahuna-huna nga ipabiling lig-on ang ilang kahamogaway sa relasyon, nunot sa ubay-ubay nga mga sulirang gisagubang ilabina layo sa matag-usa.
Komunikasyon- Kinahanglan nimong motawag matag libre ang oras sa imong trabaho aron malig-on sa hingpit inyong relasyon. Communication is very vital in any relationship because it is where you can get reassurance with your love for one another.
I-istablisar ang rules ug parameters sa usa ka relasyon- Matag-usa kaninyo kinahanglang mosulti sa angay mahitabo sa inyong relasyon. Kini matud pa ang maayong paagi aron malikayan ang dili pagsinabtanay kon misunderstandings and mistakes.
Ipadayag imong gibati- Don’t be afraid to express your feelings. Sa ka-moderno sa panahon karon dagha’g paagi pagpagawas sa imong gibati. Mahimo kining ipadangat pinaagi sa call, text, fax or email. Chat pwede lugar!
Tugutang makahibalo sa impormasyon ang matag-usa- Sumala pa sa mga eksperto, keeping each other informed of what is happening in your life usa ka maayong paagi aron magpabiling himsog ang inyong relasyon.
Padad-ig mga regalo- Luyo nga dili ka makapagawas sa imong gibati personally mahimo kang makapadala og mga regalo sa imong hinigugma. Pinaagi niini, makahuna-huna ang imong partner nga usa ka ka romantiko o lambing kon sa mga babaye.
Likayan ang huhungihong- Ang pagduda matag-usa makadaut sa relasyon, ilabina ang gitawag nga selos. If you want your bond to stay strong, you must trust your partner.
Surpresa- Wala man nimo mahimo pagsurpresa niadtong kanonay mo magkita sa imong partner, makapadangat kana sa iyang paboritong regalo aron molig-on pagsamot ang inyong paghinigumaay karong aldaw sa pasko.

Best Sexual Partner

Pagsulod sa year of the Ox kon mas ilado kanatong mga pinoy nga tuig sa mga ‘toro’ ubay-ubay sa mga espekulasyon ang miggula bahin sa dangatan sa usa ka relasyon. Sa magtiayon o sa magtrato sa aspetong pakighilawas.

Dunay pipila ang mituo sa panagna sa mga Ispiritista, duna usab pipila ang dili tungod sa giingong dakung pagsalig ngadto sa labawng makagagahom.

May pipila usab ka tag-as nga mga personalidad ang gitagna labot sa dangatan sa ilang relasyon. Sa natad sa politika o sa showbiz.

Nagkalaing-laing istilo karon ang gipaggula nga mga panagna, diin ang uban niini gipadangat pinaagi sa information superhighway kon internet.

Gipunting niini ang kasamtangang gidugokan karon sa mga kabatan-onan ang ‘Friendster’, diin miggula sa bag-uhay lamang nga pagsusi sa mga hanas nga tigduki-duki nga dili lamang mga batan-on ang gababad niini, apan lakip na usab ang mga edaran kinsa padayong gapangita lugar og kama-ayohan sa ilang kinabuhi.

Ania ang pipila lamang ka mga panagna nga gimantala sa nasampit nga site kung unsaon mahimong usa ka maayong partner sa imong ka-relasyon o sa imong gipangita nga trato paghidangat sa kama.

“Sex lugar ang mahitabo,” sumala pa sa usa ka sex guru sa For Him Magazine (FHM) nga si Asia Agcaoli, kinsa buros ning mga panahona, luyo nga giindorso niini ang paggamit og condom.

Kung naa kay makahimamat nga sama sa Gemini, giingon kining lisud higugmaon. Apan, may mga patsada usab kining pamatasan sama sa Outgoing, Lovable. Spontaneous. Not one to mess with. Funny. Excellent kisser. EXTREMELY adorable. Good personalities.Loves relationships. Addictive. Loud.

Aries, dali ma-irita. Lover not a fighter, but will still knock you out. Trustworthy. Always happy. Loud. Talkative.

Virgo, gikonsiderang maayo lugar sa kama. Love to bust. Nice. Sassy. Intelligent. Extremely sexy. Predict future. Loves being in long relationships. Has lots of friends. Great talker. Always gets what he or she wants. Also not a fighter, but if they have to, they will also knock the lights out of you if it comes down to it. Cool. Loves to own Geminis' in sports.

Scorpio, ang giingong birhen. Apan, kini nagdapende gihapon sa sitwasyon. Loves being in long relationships. Makigbisog sa buot niining mahitabo.

Aquarius, dili yanong matandog. No touch lugar. Great talker. Attractive and passionate. Laid back. Gusto lipay kanonay, apan lisud pud pangitaon.

Taurus, giingon nga bad boy or girl, apan dunay taas nga lebel sa sex appeal. Very romantic. Most caring person you will ever meet! Entirely creative.

Cancer, lisud makuha ang ilang dughan. Cancer lugar! Apan, trustworthy. Attractive. Great kisser. One of a kind. Loves being In long- term relationships, if you can actually get them to stick around. Extremely energetic. Apan, dali rang mo-surrender.

Libra, mapinanggaon, smart. Kanonay sentro sa atraksyon. Molungtad sumala sa dugay ang kinumbatihay sa kama, apan lisod pud pangitaon. Siawan, ilado apan dali lang masuko.

Pisces, giingong adik sa jerjer, Intelligent. Loves to joke. Very Good sense of humor. Energetic. Predict future.

Leo, mahisama sa Pisces apan sex maniac lugar ang iyang pamatasan. Nice to everyone they meet. Their Love is one of a kind. Sexy. Dunay pinasahe nga sex appeal.

Capricorn, hot ug sexy. Dominahan ang usa ka relationship. Someone loves them right now. Always wants the last word. Easy to please. Beautiful laugh. Bit of naughty, hayan giingon siyang the ‘one and only.'

Ang Sagittarius, maoy usa sa wala gimantala sa maong site, apan, kung buot huna-hunaon magdepende usab kini ngadto sa imong kaugalingon.

Kini giya lamang dili buot pasabot nga ang tanang nakasuwat maoy sundon ug tinuod.

Dugtong niini, di lamang dugay usa sa mga nagtuo nga rason sa sagad nga panagbuwag sa magtiayon ang walay kalipay sa sex mao ang buhatan sa Solicitor General.

Sanglit mao usab kini ang gikabalak-an ni Solicitor General Agnes Devanadera nga mas hingpit pang motaas ang annulment cases sa nasud.

Kung sa miaging tuig moabot sa 7,000 ka kaso, ning tuiga lamang halos 9,000 annulment cases ang nadawat sa nasampit nga buhatan.