Manyakis nga pastor milugos og dalagita

Kasong pagpanglugos ang gi-atubang karon sa duha ka mga suspetsadong manyakis nga usa ka pastor ug nagpa-ilang asset sa Criminal Investigation and Detection Group (CIDG) sa dakbayan sa Gensan.

Sa report nga nahipos sa Brigada News General Santos gi-asoy sa 17-anyos nga biktima nga nagpa-ilang miyembro sa PNP-Regional Mobile Group ang usa sa mga suspek.

Ang mga otoridad miila sa biktima nga usa ka alyas Beauty, (gitago ang tinuod nga ngalan kay menor de adad) 17-anyos sa dakbayan sa Gensan.

Sa inisyal nga imbestigasyon sa kapolisan gisaysay sa biktima nga ayha sa polis, usa ka pastor ang milugos kaniya.

Giila kining usa ka pastor Jessie Aspiren, alyas James Blanco, hingkod ang edad sa Barangay Labangal ning siyudad niadtong Agosto 27, 2008.

Human matud sa pastor usa na usab ka polis, kinsa giilang usa ka PO1 Robert Reyes sa RMG ang mitilaw sa iyang pagkababaye.

Pugsanon matud pa siyang gika sex sa nahisgotang polis niadtong milabayng bulan sa Septiyembre.

Sa ulahing impormasyon nga nahipos sa Brigada News pursigido ang kabanay sa biktima nga ipasaka ang kaso batok sa mga suspek ngadto sa korte.