Mata sa 19-anyos gika-ibgan gisumbag

Gipareglahan matud pa sa suspek ang duha ka mga mata sa 19-anyos nga batan-on hinungdan nga iya kining gisumbag sa wala matinong rason.

Si Police Officer 3 Edrote, duty officer sa Macasandig Police Station mikanayon nga midangop ngadto sa ilang presinto ang biktima kinsa giilang usa ka Herwen Carbajal,19, ulitawo sa Tambo, Barangay Macasandig, siyudad sa Cagayan de Oro.

Matud sa report gi-alegar sa biktima ang usa ka Bobong Soria, hingkod ang edad sa Sentro sa nasampit nga barangay ang maoy mikulata kaniya sa mga alas 6:55 sa gabii.

Sumala pa sa inisyal nga imbestigasyon sa mga otoridad posibleng pangparegla lamang ang motibo sa insidente.

Hinuon gitugyan ang maong kaso ngadto sa hurisdiksyon sa barangay lupon sa Macasandig.