Helper gikawatan sa kostumer

Gituohan sa babaye nga nabiktima siya giingong ‘tempo’ kon pagpangilad sa usa ka tawo nga dili nimo masayran nga gikuha na ang imong pipila ka kabtangan.

Ang biktima mao si Edna Juliada, 23, minyo sa Emily Homes, Barangay Macanahan, siyudad sa Cagayan de Oro.

Sumala pa ni SPO3 Bolanio, duty officer sa Cogon Police Station mga alas 9:30 sa buntag, Sabado, midangop sa ilang presinto ang biktima ug nagpakitang.

Gisaysay sa biktima nga dunay nagpa-kunong kostumer nga mopalit sa iyang gibantayang mga RTWs nga nahimutang kilid sa merkado publiko sa Cogon.

Tuod man si Juliada isip tindira sa nasampit nga patigayon, iyang gi-atender pag-ayo ang nagpakunong kostumer.

Namalihog matud pa ang suspek ngadto kaniya nga kuhaon ang iyang buot paliton, apan lisod kini pangitaon hinungdan yano lang gikuha ang iyang shoulder bag nga dunay sulod nagkalain-laing personal nga gamit, salapi, jewelry box ug uban pa.

Nunot niini walay nahimo ang biktima tungod gilayong misibat ang wala mailhing suspek.

Matud pa ni Bolanio, mihilak pa ang biktima dihang ila kining giimbestigahan sa nasampit nga panghitabo.

Hinuon mipasalig usab ang mga otoridad nga paningkamotan nga masikop ang suspetsadong kawatan.