Sex video ‘box office’ sa mga kapitan

Human nahimong kontrobersyal ang sex video nga gititulohang ‘Tinambak Sex Scandal,’ misaad karon ang alkalde sa lungsod sa Tinambak, Camarines Sur nga iyang imbestigahan ang tawo nga nipakatag sa maong malaw-ay nga talan-awon.

Apan ayha kini mahitabo, gikatakdang tigumon ni Mayor Ruel Velarde ang mga barangay kapitan nga iyang ginsakpan aron patan-awon sa maong sex scandal video.

Sa pakighinabi kang Velarde, iyang gibutyag nga tumong niini aron sutaon kung kay kinsang anak sa mga kapitan ang babaye nga anaa sa maong video.

Nasayran miggula sa unang report nga ang dalagita sa usa sa mga barangay kapitan sa nasampit nga lungsod ang gika-sex sa lalaki sa kalasangan.

Si Velarde nangusog nga angay manubag ang nagpasiugda sa maong mangil-ad nga talan-awon.

Nanghinaut pa kini nga unta mahuman na ang nasampit nga kontrobersiya, sanglit daku matud pa kining epekto ngadto kanila.

Kahibaloan nagsugod ang kontrobersiya dihang nikatag sa mga cellphones ang sex video nga dunay titulong ‘Tinambak sex scandal’ nga giingong pagumangkon sa politiko ug anak sa barangay kapitan ang mga sex players niini.